Car-sharing-aren erabiltzaileak ez dute ibilgailua eguneroko erabilerarako behar, eta noizean behin baina denbora luzean erabiltzen du zerbitzua. Alokatzeko ibilgailua, berriz, unean uneko erabileretarako erabiltzen da.

Alokairuan ez bezala, car-sharing-ean ibilgailua orduka erabil liteke egun osorako erreserbatu gabe. Erabiltzaileak eguneko 24 orduetan, asteko 7 egunetan, egin dezake erreserba, ibilgailua jaso eta hartutako toki berean itzularaziz ostean. Car-sharing-a erabiltzean, elkarte-kuota ordaintzen da hilero, bai eta, erabilerari loturiko denboraren arabera (erabilera-orduak) eta egindako kilometroko ordaintzen da.

Car-Sharing-ean erabiltzaileek ibilgailu flota bat partekatzen dute, zeina enpresa batek kudeatzen duen. Enpresa kudeatzaileak ibilgailuak eta erreserbak kudeatzen ditu, egindako zerbitzuaren erabileraren arabera hilaren amaieran fakturatuz.

Car pooling-aren kasuan autoaren jabea da soberan dauzkan plazak beste pertsona batzuen eskura jartzen dituena ibilbide konkretu bat egiteko. Beraz, Car Pooling-ak ez du enpresa derrigorrez enpresa kudeatzaile baten beharrik, erabiltzaileak eurak baitira elkarren artean ados jarri eta bidaia partekatua nola egingo duten erabaki dezaketenak.

Ibilgailu pribatu batek kostu finkoak bere gain hartzea dakar (ibilgailua erosteko inbertsioa, zirkulazio- eta matrikulazio-zergak, asegurua, udal-zergak, aparkalekua, etab.), baita beste gastu-aldagai batzuk ere, txikiagoak ez direnak (mantentze-lanak, konponketak, IAT, erregaia, balio-galera, etab.). Ibilgailu pribatuak urtean 12.000 km baino gutxiago egiten baditu, car-sharing-a erabiltzeak, urtean 2.500 €arteko aurreztera hel daiteke.

Izen-emate formularioa bete behar duzu Ibilkari Webgunearen bidez.

Zure datuak egiaztatuko ditugu eta, kontua aktibatzen dugunean, mezu bat jasoko duzu Ongi-etorri moduan zure helbide elektronikoan, zerbitzuan izena ematea baliozkotzeko.

25 urteko pertsona izan beharko zara, eta indarrean dagoen gidabaimen balioduna izan beharko duzu, gutxienez 2 urteko antzinatasunarekin.

Zure jatorria Europar Batasunetik eta Europako Esparru Ekonomikotik kanpokoa bada, Nazioarteko Gidabaimen baliodun eta indarrean dagoena aurkeztu beharko duzu, edo gaztelaniaz idatzitako Gidabaimen bat. Agiri horiekin batera, pasaportea eta jatorrizko herrialdeko gidabaimena aurkeztu beharko dituzu.

Izen-eman ondoren, zure datuak berrikusiko ditugu.

Dena zuzen badago, erabiltzaile gisa aktibatuko zaitugu eta Ongi-etorri mezu elektroniko bat jasoko duzu.

Une horretatik aurrera, nahi duzun ibilgailua erreserbatu ahal izango duzu gure Erreserba Sistemaren bidez edo Ibilkari App-aren bidez.

Bajan eman nahi duzu, bidali mezu elektroniko bat zerbitzua erabili nahi ez duzula adieraziz eta zure erabiltzaile-kontua ezeztatuko dugu.

Izen-ematea baliozkotzearekin batera, gordailu itzulgarria hornituko da. Zenbatekoak Webeko tarifen atalean daude deskribatuta.

Gordailu honen helburua partekatzen ditugun ibilgailuak egoki erabiltzen direla bermatzeko da. Zenbateko hori zerbitzuan baja emateko eskaeran itzuliko da, erregularizatzeko dauden zenbatekoak ordaindu ondoren (ikus xehetasun gehiagorako Baldintza Orokorrak).

Erabiltzaile titularrak hirugarren pertsona bat gidari gehigarri edo "baimendu" gisa doan izendatu ahal izango du, betiere zerbitzuan sartzeko eskatzen diren baldintzak betetzen baditu, Ibilkari-ren onarpena aurrez izanda.

Baimendutako gidariak zerbitzuaren erabiltzaile titularraren erantzukizunpean jardungo du, gidari gisa dituen betebeharrei muzin egin gabe. Erabiltzaile titularra izango da baimendutako gidariari dagozkion erabilera, zerbitzu eta gainerako ordainketa-kontzeptuen ardura duena.

Erreserbak Ibilkari Webgunearen edo aplikazio mugikorraren bidez egin daitezke. Sartzeko, aldez aurretik bidali zaizkizun sarbide-gakoak erabili beharko dituzu.

Ibilgailua erabiltzeko, bidaia aldez aurretik planifikatzea eta gero erreserba egitea gomendatzen da.

Erreserbak 30 minutuko tarteetan egin daitezke, eta erreserbaren gutxieneko iraupena ordubetekoa izango da. Erreserbak beti puntuan dauden orduetan edota ordu erdiko tarteetan hasten dira.

Ibilgailua erabiltzeko denbora erreserba hasten denetik amaitzen den arte zenbatzen da, eta Ibilkari aplikazio mugikorrarekin edo txartel adimendunarekin blokeatzen dira ateak.

Oharra: Erreserba sistemaren hizkuntza Web Nabigatzailean edo Mugikorrean aukeratutako hizkuntzaren araberakoa izango da.

Ibilgailura sartu eta ireki ahal izateko, Ibilkari aplikazio mugikorra erabili beharko duzu, aplikazioaren pantailan “giltzaren” edo “agendaren” ikurra sakatuz zure erreserbetara sartu ahal izango zara, eta "erreserba hasi" botoia sakatuz, ibilgailua automatikoki desblokeatuko da.

Kontakturik gabeko txartel adimendun baten bidez ere sar zaitezke, aldez aurretik erreserba-sistemari lotuta. Sartzeko arazorik izan ezkero, deitu gure Arreta Bulegora.

Ibilkari Webgunearen edo aplikazio mugikorraren bidez, ibilgailua aukeratu besterik ez duzu egin behar, eta data, hasiera- eta amaiera-ordua mugatu. Ez dago denbora-tarte jakin bat zehaztu beharreko irizpide gehiagorik.

Zure erreserbaren kostuaren kalkulua erreserbaren iraupenean oinarrituko da, eta automatikoki eguneratuko da erreserba-aldiko edozein aldaketaren aurrean. Egun bat, egun bat baino gehiago edota aste baterako eskaintzak automatikoki konbinatuko dira orduekin, ahalik eta aukerarik onena eskaintzeko.

Erraza da, egin klik zure erreserban (Ibilkariko Web edo App mugikorretik, erreserben egutegian) eta erreserba editatu edo ezabatu ahal izango duzu. Kontuan izan erreserbaren luzapena posible dela soilik beste inork erreserbarik ez badu zurearen ondoren. Gainera, behin erreserba ordua hasita duzula ezingo duzu erreserba baliogabetu. Denbora murriztu besterik ezin da egin. Erabili gabeko erreserbak ere ordaindu egiten dira.

Ibilgailua itzultzeko atzerapenak saihesteko, beharrezkoa izango da erreserbaren azken ordua editatu eta egokitzea Ibilkari aplikazioaren bidez. Horrela, gainerako erabiltzaileei kalte egitea saihesteaz gain, dagokion errekargu gehigarria eragotziko dugu (Erabiltzailearen Gidan informazio gehiago izateko, Errekarguak eta Abonuak izeneko 8. atalean).

Bidaian zehar zaudenean, ahaztu Ibilkari aplikazio mugikor edo txartel adimendunari buruz, bilgailuaren jatorrizko giltza erabili ezazu, ibilgailuarekin egiten dituzun geldialdi edo kudeaketa bakoitzean irteteko, ixteko, irekitzeko eta abar.

Ibilgailua jasotzeko lekura itzultzen duzunean eta Ibilkari aplikazio mugikorrarekin edo txartel adimendunarekin ixten duzunean, automatikoki amaituko da erreserba.

Azken urrats hori egin aurretik, giltzen kaxako artekan utzi beharko da ibilgailuaren giltza, ibilgailua itxi eta erreserba amaitu ahal izateko.

Erregaiaren kostuak zerbitzuaren tarifan sartuta daude.

Ibilgailu bakoitzean txartel bat aurkituko duzu, gordailua betetzeko kostuak ordaintzeko. Erreserba amaitu aurretik, garrantzitsua da gogoraraztea ibilgailua beti utzi behar dela deposituan gutxienez 1/3 erregairekin, gainerako erabiltzaileek zerbitzua partekatzen jarraitu ahal izateko.

Ibilkari-ko aplikazio mugikorraren pantailan txartelaren PIN kodea emango da. Depositua bete eta erregai-txartelarekin ordaintzen duzunean, berriro jarri beharko duzu dagokion lekuan.

Ibilgailu konpaktuetan erabiltzen den erregaia Gasolina 95 da; furgonetetan, berriz, Diesel-a.

Bidaia hasi aurretik, ibilgailuaren barrualdea eta kanpoaldea begiratu beharko dituzu.

Arazoren bat edo kalteren bat ikusten baduzu, jakinaraz iezaguzu ahalik eta bizkorren. Horrela, hirugarren pertsona baten aurrean norberaren erantzukizunak aurreikusiko dituzu eta aurretik jakin gabeko besteren arazoak saihestuko dituzu.

Gurekin harremanetan jartzeko Arreta Bulegora deitu beha gaituzu, edota erreserba aktibo bat izanez gero, jakinarazpena Ibilkari aplikazio mugikorraren bidez oso erraz egin dezakezu.

Honela egiten da:
Ibilgailuak kalteren bat badu, sakatu Kaltea jakinarazi ikonoan. Bestalde, aurreko gidariak ibilgailuan zerbait utzi badu, sakatu Aurkitutako objektua ikonoan, edo, beste edozein alderdiren berri eman nahi badiguzu, erabili Laguntza ikonoa.

Beharrezkoa bada, eman baliozkotzat jotzen duzun deskribapen gehigarri bat.

Bi kasuetan, beharrezkoa izango da kaltetutako guneen edo aurkitutako objektuaren argazkiak egitea, ondoren Ibilkari aplikazio mugikorrean esleitutako e-mailera bidaltzeko.

Zuen laguntzara joz, galdutako objektuen legezko jabeak aurkitzen saiatuko gara... Eskerrik asko!

Ez. Ibilgailua ezin izango zaio inoiz hirugarren bati eman, ez eta beste erabiltzaile bati ere, aldez aurretik baimena eman eta Ibilkarik idatziz onartu ezean. Erreserba bakoitza zerbitzuan erregistratuta dagoen erabiltzaile jakin bati esleituta dago, eta berak bakarrik du ibilgailua gidatzeko eskubidea. Larrialdi-egoerak kanpoan utz daitezke.

Hala ere, erabiltzaile titularrak doan izendatu ahal izango du hirugarren pertsona bat gidari gehigarri edo "baimendu" gisa, betiere zerbitzuan sartzeko eskatzen diren baldintzak betetzen baditu, Ibilkari-ren onarpena aurrez izanda.

Ibilkari arduratzen da ibilgailuak aldizka garbitzeaz, mantentzeaz eta zaintzeaz.

Car-sharing delakoaren filosofia elkarlaneko ekonomian oinarritutako bizimodua sustatzea da, eta, beraz, gainerako erabiltzaileekin batera kontuan hartzea eta ardura partekatua izatea dakar, ibilgailuak guztion onerako eta zerbitzuarekin adeitasunez erabiltzeko.

Ibilgailua erreserban dagoela zikintzen baduzu, barrutik edota kanpotik, garbiketari ekin beharko diozu erreserba-aldian, eta dagozkion gastuak zure gain hartu beharko dituzu.

Horrela, beste erabiltzaile guztiek partekatzen dituzten garbitasun- eta higiene-baldintzetan, ibilgailua itzuli ahal izango duzu.

Hau horrela izan ezean, Ibilkarik, dagozkion garbitasun- eta higiene-karguak ezarriko ditu (Erabiltzailearen Gidan, Errekargu eta Abonuen 8. atalean adierazitako moduan). Ibilgetzearen ondoriozko kalte-ordaina eta ibilgailuaren aukera-kostuak kontabilizatuko dira, garbiketa- eta saneamendu-interbentzioan egotz daitezkeenak.

Ezin da erre ibilgailu barruan. Ibilgailuaren barrualdea kerik gabeko gunea da. Erabiltzaileak, gidari baimenduak edo bidaiari laguntzaileek erreserba erabiltzean debekua urratuz gero, erabiltzaileak ordain ekonomikoa jaso beharko du edota kontratua ezeztatu egingo zaio jokabide horrengatik.

Osasun- eta higiene-arrazoiengatik (alergia-intolerantziak, etab.), etxeko animaliek edota maskotek bidaia-edukiontzian baino ezin dute bidaiatu, dagokion tamainan eta moduan. Nahitaez garbitu behar da ibilgailua etxeko edozein animalia edota maskota garraiatu den erreserba bakoitzaren ondoren.

Higienea ez betetzeagatik jokatuz gero, Ibilkarik 8. atalean (Errekarguak eta Abonuak) adierazitako kargua jarriko dio erabiltzaileari.

Izen-ematea:
Izen-emate prozesuan zehar, onarpen-tasa bat ordaindu beharko duzu. Zenbateko hori ondoren egingo den erabilerarekin kendu ahal izango da, partzialki edo osorik, zerbitzuaren Webguneko salneurrien atalean ezartzen bada.

Erabiltzaile-kuota:
Frogaldi epea gainditu ondoren, egin nahi duzun erabilerara ondoen egokitzen den kontratu mota aukeratu beharko duzu. Hileko edo urteko kuota ordaintzea dakar. Urteko abonua nahiago baduzu, deskontu gehigarri bat jaso ahal izango duzu.

Erabilera-salneurriak:
Erreserbaren guztizko prezioa kalkulatzeko, kontuan hartzen dira denboraren iraupena (orduak/egunak) eta egindako kilometroen guztizko zenbaketa. Gure salneurriek barne hartzen dituzte BEZa, erregaia, arrisku orotarako asegurua, mantenua eta 24 orduko asistentzia.

Kilometroaren salneurriak merkatuan erregaiaren gaineko prezio-aldaketetara egokitzea dakar, errekarguak edo deskontuak aplikatuz. Egokitzapen hori aldaketa bat gertatzen den hilabeteetan soilik egingo da, Webeko Erregaiaren prezioak atalean ezarritako tarteekin bat etorriz.

Beste kostu batzuk:
Ibilgailua zabarkeriaz edo modu desegokian erabiltzen bada (itzultzeko atzerapena, zikinkeria ibilgailuan, etab.), 8. atalean adierazitako errekarguak aplikatuko dira (Erabiltzaileen Gidako Errekarguak eta Abonuak).

Car-sharing delakoaren filosofia elkarlaneko ekonomian oinarritutako bizimodua sustatzea da, eta, beraz, gainerako erabiltzaileekin batera kontuan hartzea eta ardura partekatua izatea dakar, ibilgailuak guztion onerako eta zerbitzuarekin adeitasunez erabiltzeko.

Kontratu mota behar bezala hautatzeko, zerbitzuaren erabileraren maiztasunaren inguruan arreta jartzea gomendatzen dugu lehendabizi, honako hauek kontuan hartuta:

Aldizkako kontratua:
Zerbitzua noizean behin edota tarteka eskatzen duten erabiltzaileei zuzendutako modalitatea da.

Oinarrizko kontratua:
Gutxienez hilean bidaia 1 egiten duten erabiltzaileentzat, zuzenduta dagoen salneurriak dira (orduko prezioaren % 30 baino gehiagoko deskontuarekin).

Kontratu aktiboa:
Gutxienez hilean 3 bidaia egiten dituzten erabiltzaileentzat, salneurririk onuragarrienak eskaintzen dituen modalitatea da (orduko prezioaren % 50etik gorako deskontuarekin).

Frogaldirako eta zerbitzua noizean behin erabiltzeko ordainketa-metodoa kreditu- edo zordunketa-txartelaren bidez egingo da. Bidaia bakoitzeko faktura bat igorriko da, eta posta elektronikoz bidaliko da, zure erreserbako datuekin eta dagokion zenbatekoarekin.

Epe hori igarotakoan, zerbitzuaren ohiko ordainketa erabiltzailearen banku-kontu aktibo baten bidez egingo da, SEPA helbideratzeko aukerarekin. Erabiltzaileak banku-kontuaren titularra izan beharko du (edo, bestela, lan egiten duen erakundearena). Fakturak hilabetero egingo dira. Hala ere, Ibilkarik beretzat gordetzen du edozein ordainketa eskatzeko eskubidea, hileko epea amaitu gabe.

Oharra: Erabiltzailea banku-kontuaren titularra ez bada, ordaintzeko betebeharraren dokumentu baimendu bat aurkeztu beharko du, titularrak (edo erakundeak) eta dagokion banku-erakundeak behar bezala sinatuta.

Ordainketa erabiltzaileak adierazitako kreditu- edo zordunketa-txartelarekin egiten denean, automatikoki egingo da honako bi (2) denbora-tarte hauetan:

1.- Lehendabizi, bidaiaren gutxi gorabeherako kostuaren araberako kopurua (erreserbatutako orduak + kilometroak) ordaintzeko baimena eskatuko da

2.- Erreserba amaitzean, hasierako zenbateko zenbatetsita bateratuko da, zerbitzuaren erabileraren guztizko kostu errealera iritsi arte.

Ordainketa egiteko baimena (aurretiazko atxikipena) behar bezala egiten ez bada, erreserba egiten hasteko baimenik ez izateko aukera suposatuko luke, eta erreserba bertan behera uzteko aukera, ibilgailua beste erabiltzaileen eskura jarri ahal izateko.

Zure datu orokorrak edo bankuko datuak eguneratu ahal izango dituzu gure Webgunean edo Ibilkariko gure App mugikorrean, edo datu berriak info@ibilkari.com helbidera bidaliz.

Datu orokorrak aldatzea:

App mugikorra:
Sartu, Nire profila → Zoaz «Profila»-ra eta aldatu helbide-datuak eta, → Sakatu «Gorde».

Web orria:
Zoaz zure kontura (zirkulu txikia goiko eskuineko izkinan, zure inizialekin) → Hautatu «Profila» → Eguneratu zure helbideko datuak eta, → Sakatu «Gorde».

Bankuko datuak aldatzea:

App mugikorra:
Sartu, Nire profila → Zoaz «Ordainketa» eta aldatu behar dituzun datuak eta, → Sakatu «Gorde».

Web orria:
Zoaz zure kontura (zirkulu txikia goiko eskuineko izkinan, zure inizialekin) → Hautatu «Ezarpenak» → Hautatu «Ordainketa» → Eguneratu datuak eta sakatu → “Gorde".

Istripu edo ezbeharren bat gertatuz gero, honako gomendio hauek jarraitzea eskatzen dizuegu:

Nahitaezkoa da segurtasun-txaleko islatzailea jartzea ibilgailuak ibiltzen diren leku guztietan gertatzen den edozein geldialdi- edo larrialdi-egoeratan.

Beharrezkoa da ibilgailuaren seinaleztapen-triangeluak erabiltzea, gainerako oinezkoentzat, gidarientzat eta abarrentzat bide-segurtasuna bermatzeko.

Berehala jakinarazi beharko zaie Larrialdi edota Erreskate Zerbitzuei (Ertzaintza, Estatuko Segurtasun Kidegoak, etab.), osasun-laguntza behar izanez gero.

Ibilkari ahalik eta lasterren informatzea eskatzen da, +34 689 514 885 telefonora deituta (Arreta Bulegoa), Aseguru Konpainiarekin egin beharreko izapideak hasteko eta Larrialdi edota Erreskate Zerbitzuen esku-hartzea errazteko.

Nahitaezkoa da Istripuen Partea idaztea, eragindako kalteak alde batera utzita. Argi eta garbi zehaztu beharko dira istripuaren inguruko arrazoiak eta abar, kaltetuen edota istripuaren erantzuleen izenak eta helbideak, lekukoak, eta gainerako egiazko informazio interesgarria.

Nahitaezko bete beharra da Istripu Partearen kopia bat Ibilkarira bidaltzea, bai eta istripuaren inguruabarrei buruzko eskatzen den gertaeraren egiazko informazio osagarria ematea ere.

Ibilkariko ibilgailuak arrisku orotarako aseguru batek estaltzen ditu, eta, besteak beste, nahitaezko harpidetzako erantzukizun zibila estaltzen du.

Erabiltzaileak aseguruaren estalduraz baliatu ahal izango du, baldin eta Erabiltzailearen Gidan bere gain hartuta beharreko betebehar guztiak, indarrean dagoen Trafikoari eta Bide Segurtasunari buruzko Legean ezarritakoak eta ibilgailu motordunen erabilerari aplikagarri zaion legeria dagokion guztia betetzen eta errespetatzen badira.

Ibilgailuari edota hirugarrenei egindako kalteak ez dira estaliko, baldin eta erabiltzaileak edo baimendutako gidariak alkoholaren, drogen edo gidatzeko egokiak ez diren bestelako substantzia farmakologikoen eraginpean gidatzen badu.

Xehetasun gehiago nahi izanez gero, ikus 9. atala, Erabiltzaileen Gidako Aseguruaren Estaldurari eta Erantzukizunei buruzkoa.

Istripuaren edo ezbeharraren erantzulea izanez gero, erabiltzaileak edo baimendutako gidariak kalte-ordaina ordaindu beharko du, konponketa-denboran ibilgetzeagatik eta dagozkion aukera-kostuagatik.

Kalte-ordainaren zenbatekoa 100 €-koa izango da (BEZa barne) ibilgailua konponketa-prozesuan dagoen esku-hartze edo egun bakoitzeko, eta gehienez ere 4 egun, 400 €-ri dagozkionak (BEZa barne).

Nolanahi ere, erabiltzaileak ibilgailuaren kalte, istripu, sute eta abarrengatiko frankizia ere ordaindu beharko du: 300 €, eta ibilgailuaren istripuagatiko kudeaketa-gastuak: 50 €(BEZa barne).

Ibilgailuari bestelako arrazoiren batengatik kalte egiten bazaio, honen erantzukizuna zure izan edo ez izan, erreserbak esleitutako zaintza-aldian kalteak gertatzen diren bitartean, ibilgailuari eragindako kalteen erantzule bakarra erabiltzailea izango da.

Trafikoko agintaritzak erabiltzaile baten arau-hausteengatiko zehapena jakinarazten duenean. Ibilkari, erabiltzailearen datuak Trafiko Agintaritzara bidali behar ditu, arau-haustearen arduradun den pertsonarengana jo dezaten. Izapidetzeak eragindako administrazio-gastuak Erabiltzaileen Gidako Errekargu eta Abonuen 8. atalean adierazten denaren arabera aplikatuko dira.